Aktivitete
Aktivitete në Qendrën Cervantes
Ne ju ofrojmë aktivitete të shumta si Javë Letërsie, Bashkëbisedim në spanjisht, filma spanjoll etj.
Java e letërsisë spanjolle
Njëzetë e tre prilli, Dita Ndërkombëtare e Librit merr një kuptim të veçantë duke qenë se përkon me përvjetorin e vdekjes së shkrimtarit të madh spanjoll Migel Servantes Saavedra në nderim të të cilit, prej disa vitesh, në shumë qytete të botës organizohen lexime publike të veprës së tij “Sojliu mendjemprehtë, Don Kishoti i Mançës”.
Në këtë kuadër, Ambasada e Spanjës në Shqipëri zakonisht në bashkëpunim me Universitetin e Tiranës, këtë herë edhe me Qendrën e Gjuhës dhe të Kulturës Spanjolle në Shqipëri organizon, gjatë Javës së Letërsisë Spanjolle, aktivitete të ndryshme (lexime publik
Përkthim
Ky aktivitet ka të bëjë me njohësit e mirë të gjuhës dhe letërsisë spanjolle (diploma DELE C1, C2) të cilët kanë dëshirë të fitojnë experiencë në fushën e përkthimit të librave në spanjisht.
Në qendrën tonë punojnë përkthyes profesionist të cilët do të udhëheqin të talentuarit e rinj drejt botës së përkthimit. Për të aplikuar dhe për të pasur një ide më të qartë rreth teksteve që janë duke u përkthyer na kontaktoni nëpërmjet kësaj faqeje. (Pjesëmarrja është falas)
Seminar i gjuhës spanjolle
Gjatë fundit të simestrit të dytë akademik, Qendra e Gjuhës dhe e Kulturës Spanjolle do të organizoj nëbashkëpunim me institucione të tjera zyrtare një seminar që do të ketë në qendër të tijmësimdhënien e gjuhës spanjolle si gjuhë e huaj.
Në këtë seminar mësues të gjuhës spanjolle të kombësive të ndryshme do të shkëmbejnë eksperiencat e tyre dhe do të kontribuojnë në këtë mënyrë në formimin e brezave pasardhës. Nëse je mësues i gjuhës spanjolle apo aspiron të bëhesh dhe dëshiron të marrësh pjesë në këtë aktivitet na kontakto. (Pjesëmarrja është falas)
Mbrëmje e poezisë spanjolle
Më 29 shtator (ditëlindja e autorit të njohur spanjoll Miguel Servantes Saavedra) do të lexohen poezi të autorëve të famshëm spanjoll në shqip dhe në spanjisht. Ky aktivitet ka si objektiv promovimin e poezisë dhe të letërsisë spanjolle si edhe njohjen midis të apasionuarve pas poezisë në përgjithësi dhe asaj spanjolle në veçanti. (Pjesëmarrja është falas)
Filma spanjoll
Gjatë muajve mars, prill dhe maj, çdo dy javë, me iniciativën e Qendrës së Gjuhës dhe Kulturës Spanjolle, në qendrën kulturore “Tulla”, do të shfaqet një film spanjoll. Ky është një aktivitet që përveç reklamimit të kinemasë spanjolle i bënë të njohur publikut shqiptar kulturën spanjolle dhe njëkohësisht pasuron njohjen e tij multikulturale. Janë të ftuar të marrin pjesë të gjithë të apasionuarit pas kinemasë dhe kulturës spanjolle.
Hyrja është falas.
Provë niveli për DELE-n
Çdo vit gjatë muajit mars, dy muaj përpara sezonit të dytë (maj) të zhvillimit të provimeve DELE (Diploma de Español como Lengua Extranjera) në Tiranë, organizohet një provë e ngjashme me atë të provimeve DELE. Ky aktivitet vjen në ndihmë të të gjithë atyre shqipëtarëve njohës të gjuhës spanjolle që kanë dyshime për nivelin e tyre dhe për rezultatet që mund të arrijnë në provimin e diplomës ndërkombëtare të gjuhës spanjolle.
(Pjesëmarrja kushton 500 lek)
Bashkëbisedim në spanjisht
Çdo javë në qendrën tonë zhvillohet një bisedë në spanjisht midis shqipëtarëve dhe spanjollëve që jetojnë në Shqipëri. Aktiviteti është i hapur për të gjithë njohësit e gjuhës spanjolle që dëshirojnë të praktikojnë këtë gjuhë dhe të avancojnë në gjuhën e folur. Zakonisht biseda drejtohet rreth një teme.
(Pjesëmarrja kushton 500 lek)
